Sydney û Melbourne de endamê Konseya Serekîya Pêroyîye ya KCK’yî Dîyar Xerîbo ke 5’ê Temmuze de şehîd kewt û xoverdayoxê Rojeyê Mergî yê Pîlî yê 14’ê Temmuze ameyî vîrardene.

Aktîvîteya Sydneyî ya ke Merkezê Cimatê Kurdan ê Demokratan de ameye viraştene çar perçeyanê Kurdistanî ra kîtle tewrê ci bi. Qiseykerdişan de ame vatene ke hêrişê vera Dîyar Xerîbî vera yewîya neteweyîye ya Kurdan o la Kurdî do bi ruhê 14’ê Temmuze xoverdayîşî gird bikerê û waştişê Xerîbî û heme şehîdan biresnê serfîrazîye. Bi nameyê Têgêrayîşê Goranî Îsmaîl Başûrî zî vat Xerîb şehîdê çar leteyanê Kurdistanî yo û seba yewbîyayîşê Kurdan veng da.