Şaristanê Bielefeldî yê Almanya de aktîvîstê TCŞ û JCA vera faşîzmê dewleta tirke rayîrî ra şîyî. Çalakîye saete 14:30 de verê îstasyonê trenî yê merkezî de ame destpêkerdene. Hêrişê îşxalî yê dewleta tirke yê vera Kampa Mexmûr û Qendîlî, destsernayîşê şaredarîyanê HDPyî û operasyonê vera Komeleya Cinîyan  a Rosa zî rayraşîyayîş de ameyî şermezarkerdene.

Ciwanan bale ante tecrîdê vera Rayberê Şarê Kurdî Abdullah Ocalanî ser û qedexeyê PKKyî yê Almanya şermezar kerd. Şaristananê Koln, Dusseldorf, Hannover, Kassel, Bochum, Duisburg, Aachen, Dortmund û Essenî ra zî aktîvîstê rêxistinanê FFF, Antifa, Lingdsjugendî zî tewrê çalakîye bîyî. 

Rayraşîyayîş pê govendan û qiseykerdişan qedîya.