TCŞ û TÊKO-JIN bi eşkerayîyêke seba çalakîyanê 17ê kanûne veng da.

Eşkerayîye de ame vîrvistene ke Rayberê Şarê Kurdî Abdullah Ocalanî 24 serrî yo binê tecrîdêkê giranî de yo û 21 mengî yo tira xebere nêna girewtene. Eşkerayîye de bale ameye antene ser ke Buroyê Huqûqî yê Asrinî zîyaretê Îmraliyî yê CPTyî de pêvînayîşê bi înan red kerdo.

Eşkerayîye wina dewam kena: ''17ê kanûne de ma 6 welatanê Ewropa (Almanya, şaristananê Paris û Marsilya yê Fransa, Swîsre, Îngilîstan û Avusturya) de nawnayîş û rayraşîyayîşan do bikerê. Ma venga ciwananê welatperweran, şarê ma û pêro dormeyanê terefgîranê edalet û demokrasî danê ke wa tewrê nê çalakîyan bibê. Ma venga pêro kesan danê ke dormeyê Rayberîya ma de çarçewa Hemleya Werin Cenga Azadiyê de çemberêkê adirînî virazê, tecrîdî bişiknê û azadîya Rayber Apoyî bîyarê ca.''