TCŞyî Viyana de çalakîya bêîtaetîya sivîle kerde
TCŞyî Viyana de 29 şerwanê ke Dêrik de şehîd bîyê yad kerdî û dima zî çalakîya bêîtaetî ya sivîle kerde. Ciwanan hemkarîya Avusturya ya bi dewleta tirke şermezar kerde.
Paytextê Avusturya Viyana de Têgêrayîşê Ciwananê Şorişgêran (TCŞ) seba yadkerdişê 29 şerwananê ke Dêrik de dewleta tirke qetil kerdbî mûmî vistî ta.
Dima ciwanan bi slogananê "Bijî Serok Apo" û "Bijî berxwedana Rojava" kuçeyê tewr qerebalixî Stephansplatzî ra heta Schwedenplatzî rayraşîyayîş kerd Ciwanan pirdê Viyana ser de ala YPJyî daliqnaye û dûyê rengînî vistî ta.
Ciwanan Hemleya 'Abdullah Ocalanî rê Azadîye, Meseleya Kurdan rê Çareserîye' selam kerde.
Ciwanan eşkerayîya xo de hemkarîya Avusturya ya bi dewleta tirke şermezar kerde.
