Şaristanê Marsilya û Parisî yê Fransa û şaristanê Viyana yê Avusturya de ciwanan bi çalakîyan tecrîdê vera Rayberê Şarê Kurdî Abdullah Ocalanî protesto kerd.

Paris

Paytextê Fransa Paris de tecrîdê vera Rayberê Şarê Kurdî Abdullah Ocalanî bi çalakîyêke ame protestokerdene. Ciwanê TCŞ, TÊKO-JIN bi sloganan rayîrî ra şîyî. Ciwanan verê Merkezê Komelê Demokratîkî yê Kurdan de eşkerayîyêke daye.

Marsilya

Şaristanê Marsilya yê Fransa de aktîvîstê Têgêrayîşê Ciwanan ê Şorişgêran (TCŞ) Îstasyonê Trenî yê Marsilya de ameyî têhet û bi sloganê 'seba azadîya Rayber Apoyî pîya sere wedarê' çalakîyêke kerde. Ciwanan pankartê bi kurdkî û fransizkî akerdî.

Viyana

Paytextê Avusturya Viyana de zî aktîvîstanê TÊKO-JIN û TCŞyî bi nawnayîşêk tecrîdê vera Rayberê Şarê Kurdî Abdullah Ocalanî protesto kerd. Çalakîye çarçewa hamleya 'Pîya serewedaritişî' de pê deqayêkê rêzgirewtişî dest pêkerd. Nawnayîş bi sloganê 'Biciwîyo Serek Apo' qedîya