Paytextê Danîmarka Kopenhag û paytextê Almanya Berlin de vera hêrişanê îşxalî yê vera Kurdîstanî û tecrîdê serê Rayberê Şarê Kurdî Abdullah Ocalanî çalakîye xeyme ameye kerdene. Bajarê Toulouse yê Fransa de zî tecrîd ame şermezarkerdene.

Kopenhag  de bi şîarê ''vara îşxal û qirkerdişî her ca Avaşîn, Zap û Metîna yê. Dem demê azadîye yo'' de hetê Meclîsê Cinîyan ê Seve û Merkezê Komelê Demokratîkî ra Meydanê Kultorvetî de xeyme ameye ronayene. Çalakîye de ame vegdayene ke semedê şiknayîşê tecrîd û hêrşanê îşxalî wa têkoşîn bêro pîlkerdene. Çalakîye do heta roja çarşemeyî dewam bikero.

Berlin de zî aktîvîstanê TCŞ û TekoJIN vera tecrîdê serê Rayberê Şarê Kurdî çalakîya xeyme kerde. Çalakîye de kibatê Abdullah Ocalanî yê ke açarîyayî almankî dîyayî nasdayene. Çalakîye de veng dîya rayapêroyîya mîyaneteweyîye ke wa vera tecrîdî bêveng nêmano.

Toulouse de aktîvîstanê Têgêrayîşê Ciwananê Şorişgêran semedê şermezarkerdişê tecrîdî çalakîyêke organîze kerde.Çalakîye de tecrîdê serê Abdullah Ocalanî sey vera heme şaran ame namekerdene û veng dîya heme ciwananê şorişgêr, demokrat û welatperweran ke wa vera nayî vejîyê.