Bajarê Zurihî yê Swîsre de her serre Festîvala Openair Wipkingenî sey têhetameyîşê şaran yena kerdene.  Festîvale emser kişta Çemê Limmatî de mabênê tarîxanê 21-22ê de ameye kerdene. Kurdîstan, Filipinler û Filistini ra tesîlkarî tewrê festîvale bîyî. Festîval de qala têkoşînê şaran ame kerdene.

Festîvale emserî de rojdemo bingeyî Paştdayîşê Tepişteyanê Sîyasîyan bi. Koroyê karkeran ê enternasyonalîstan festîvale de di konserî dayî.

Festîvale de bale ameye antene serê bi hezaran tepişteyanê Filistin û Filipînî ser ke binê şertanê zehmetan de yê û bi nameyê Komîteya Rojawanî eşkerayîye ameye kerdene.

Eşkerayîya Komîteya Rojawanî de qala têkoşînê azadîye yê Kurdîstanî ameye kerdene û bale ameye antene  rolê Rayberê Şarê Kurdî Abdullah Ocalan ser.

Festîvale de reyna derheqê tecrîdê giranî yê vera Rayberê Şarê Kurdî Abdullah Ocalanî de terraqeyêk ame kerdene.