TJK-E venga pêro cinîyan û kurdîstanijan da ke 8ê teşrîna verêne de verê serrgêra Komployê Mîyanneteweyî de bi şîarê 'Azadîya Rayberîya ma azadîya ma ya' tewrê çalakîyan bibê.

TJK-E pê hesna ke ganî serrgêra 25. de cewabêko hol bêro dayene Komployê 9ê Teşrîna Verêne yê serê Rayberê Şarê Kurdî Abdullah Ocalanî. TJK-E da zanayene ke Komplo bi têkoşîn û pradîgmaya Ocalanî ameyo pûçkerdene. TJK-E vist vîrî ke 18 mengî yo Rayberê Şarê Kurdî ra xeberêke nêna girewtene la rixmê ney zî îdeolojî û paradîgmaya ci pêro dinya ra vila bena.

TJK-E bale ante ser ke CPTyo ke şîyo zîyaretê Îmraliyî ganî rolê xo bi hawayêkê aktîfî bîyaro ca û verê sîstemê tecrîdî bigêro. TJK-E vat: ''Ewro tehlukeyê komployî dewam kenê, zîndanan de qirkerdişî est ê, gerîlayî vera hêrişanê kîmyewîyan xo ver danê. Ganî bi caardişê azadîya Rayber Apoyî serra 25. a Komployî de cewabê nê hêrişan bêro dayene. Wext wextê seferberîya seba azadîya Rayberîye, pawitişê gerîlayan û layîqbîyayîşê şehîdan o. Ma venga şarê xo, cinîyan ê kurdîstanijan ê Ewropa danê ke 8ê teşrîna verêne de roje şemeyî Ewropa de vejîyê meydanan, bi şîarê 'Azadîya Rayberîya ma azadîya ma ya' tewrê çalakîyan bibê.''