Têgêrayîşê Cinîyan ê Kurdan ê Ewropa (TJK-E) bi eşkerayîyêke venga pêro kurdîstanijan bi taybetî cinîyan da ke 1ê teşrîna verêne de beşdarê çalakîyanê Ewropa bibê ke çalakîyî do seba Jîna Emînî û şarê Rojhelatê Kurdîstanî bêrê kerdene.

Eşkerayîye de dîya zanayene ke çalakîyê vera qetilkerdişê Jîna Emînî vera benê pîlêr û hêzê rejîmê Îranî kenê ke pê şîdet û qetilkerdişî verê nê çalakîyan bigêro. TJK-E pare kerd ke waştişê cinîyan ê kurdan û îranijan demokratîk û global ê.

TJK-E vat: ''Ma do bi çalakîyan tim paştî bidê şaranê Rojhelat û Îranî. Mesuldarîya ma ya ke ma do nê xoverdayîşê azadîye têna meverdê û xoverdayîşê cinîyan bivurnê destkewteyan. Sey TJK-E ma do bi şîarê 'Cinîye, cuye, azadîye' têkoşînê xo yê hemparî hîra bikerê. Nê esasî ser o ma venga pêro cinîyan ê kurdan ê Ewropa danê ke bi xurtî tewrê çalakîyanê 1ê teşrîna verêne bibê. Wext wextê paştdayîşê nê xoverdayîşî û pîlkerdişê ney o.''