TJK-E û KCDK-E 2ê hezîrane de bêvengîya Konseya Ewropa ya vera hêrişanê dewleta tirke û bira Amerîka ya serê şorişgêranê kurdan pê rayraşîyayîşêkî do protesto bikerê. TJK-E û KCDK-E venga her kesî da ke tewrê çalakîye bibo.
TJK-E û KCDK-E pê eşkerayîyêka hempare da zanayene ke 2ê hezîrane de şaristanê Strasbourgî yê Fransa de çalakîyêka rayraşîyayîşî do bikerê.
Eşkerayîye de ame vatene ke çalakîya rayraşîyayîşî de bêvengîya Konseya Ewropa ya vera hêrişanê dewleta tirke û bira Amerîka ya serê şorişgêranê kurdan do bêrê protestokerdene. Çalakîye do pê şîarê 'Her ca Avaşîn, her ca Zap, her ca Metîna yo. Wext wextê azadîye yo' bêra kerdene û verê sersefîrîya Amerîka de biqeda.
TJK-E û KCDK-E venga pêro kurdîstanijan, demokratan, şorişgêran û roşnvîran da ke 2ê hezîrane de tewrê çalakîye bibê.
Çalakîye 2ê hezîrane de saete 12.00 de Avenue de L'Europe, 67000 Strasbourg de do dest pêbikera.
