TJK-E û KCDK-E bi eşkerayîyêka hempare ard ziwan ke dewleta tirke raşta raşte sivîlan kena hedef û vat: ''Ma venga şarê xo danê ke dewleta tirke ya dişmena cinîyan teşhîr bikero, vejîyo meydanan û tewirê xo bimojno.''
TJK-E û KCDK-E bi eşkerayîyêka hempare hêrişê dewleta tirke yê vera sivîlanê Başûrê Kurdîstanî şermezar kerdî.
Eşkerayîya hempare de ame vîrvistene ke dewleta tirke wesayîtê JIN-TVyî Qamişlo de hedef kerdo û Biradost de zî 4 sivîlî qetil kerdê.
Eşkerayîye de wina ame parekerdene: ''Wextê qirkerdişê Biradostî de Wezîrê Karanê Teberî yê dewleta tirke Hakan Fîdanî selahîyetdaranê Başûrî de pêvînayîş kerdêne. Ma nê hêrişanê ke cinîyan ê kurdan û sivîlan kenê hedef, şermezar kenê û bêvengîya hukmatê Başûr û Iraqî zî protesto kenê.
Vera nê hêrişan ganî terefê mîyanneteweyî erkê xo bîyarê ca. Hêrişê dewleta tirke hînî resayî asta tehlukeyîne. Dewleta tirke pê hedefkerdişê rojnamegeran kena raştîyan mîyan bikera. Dezgehê mîyanneteweyî ganî vera nê hêrişan tewirêkê zelalî bimojnê û cade têbigêrê.
Ma sey TJK-E û KCDK-E venga şarê ma yê teberê welatî danê ke vera nê hêrişan cade têbigêro, nê hêrişanê qirkerdişî teşhîr bikero; pêro Ewropa, Kanada û Avusturalya de vejîyo waran û tewirê xo pê protestoyan eşkera bikero.''
