Têgêrayîşê Cinîyan ê Kurdan ê Fransa (TJK-F) û Konseya Kurdan a Demokratîke ya Fransa (CDK-F) bi wesîleya serrgêra qirkerdişanê Evîne Goyî (Emîne Kara), Mîr Perwer (Mehmet Şîrîn Aydin) û Abdurrahman Kizilî eşkerayîya çapemenîye daye.

Eşkerayîya cayê qetilkerdişî Merkezê Kulturî yê Ahmet Kayayî de ameye kerdene. Vervatoxa CDK-Fyî Bêrîvane Firat, Hemvervatoxê Dîwanê CDK-Fyî Abdullah Ulmez, Vervatoxê KCDK-E Murat Ceylan û Vervatoxa TJK-Fyî Cemîle Emînoglu tewrê eşkerayîye bîyî.

Abullah Ulmezî eşkerayîye wende û vat:

''9ê çeleyê 2013î de Paris de ronayoxanê PKKyî ra Sakîne Cansiz, temsîlkara KNKyî Fîdane Dogan û endama têgêrayîşê cinîyan Leyla Şaylemez hetê îstîxbaratê tirkan MÎTî ra ameyî qetilkerdene. Dewleta tirke bêvengîya dewleta Fransa ra cesaret girewt û 23yê kanûna 2023yî de zî Evîne Goyî, Mîr Perwer û Abdurrahman Kizil qetil kerdî. Serra yewine û 11. ya nê qirkerdişan de eke dewleta Fransa sey hemkara dewleta tirke nêwazena tarîx de cabigêra ganî têkoşînê kurdan qebul bikera, wayîrê waştişanê kurdan vejîya, verê gefanê serê kurdan bigêra.

Emser 74 welatanê dinya de Hemleya 'Rayber Apoyî rê Azadîye, Kurdîstanî rê Çareserîye' dîyaye destpêkerdene. Emser do nê esasî ser o ma têkoşînê azadîye bi serfîrazî netîce bikerê û wayîrê mîrasê şehîdanê xo vejîyê. Ma seba ke hesabê Qirkerdişanê Parisî bipersîyo, kurdî bi tehdîran nêrê kiştene venga pêro rayaumûmîye, şarê ma û dostanê ma danê.

Ma do pîya 23yê kanûna 2023yî de saete 11.00 de Paris Gare du Nord de verê Buroyê Enformasyonî yê Kurdîstanî de embazanê ma Evîne Goyî, Abdurrahman Kizil û Mîr Perwerî yad bikerê.

Sey TJK-F û CDK-Fyî ma seba ke hesabê nê qirdkerdişan bêro persayene dest pê xebatan kenê.''