Şaristanê Torinoyî yê Îtalya de hêrişê dewleta tirke yê vera temsîlkarîya KNKyî ya Hewlêrî û hemkarîya PDKyî ameyî protestokerdene. Çalakîye hetê Defend Kurdistan û Komunita Kurda ra ameye kerdene. Çalakîye de fotografê Denîz Cevdet Bulbunî û pankartî ameyî akerdene û sloganê sey “Bimre xiyanet” û “Şehîd namirin” ameyî vatene.

Eşkerayîya çalakîye de ame parekerdene ke dewleta tirke ya îşxalkere PDKyî reyde kurdan qetil kena û hêrişê gerîlayan kena. Eşkerayîye de ame vatene ke şarê kurdî do verê îxanetê PDKyî bigêro.