Şaristanê Torontoyî yê Kanada de kurdîstanijan temamîya hewteyê vîyarteyî de çalakîyê protesto û xeyme kerdî û bi rayraşîyayîşê vera hêrişanê dewleta tirke hewte qedîna.

Kurdîstanijan û dostanê înan merkezê şaristanî de bi rayraşîyayîşî kerd ke vengê xo bidê eşnawitene. Rayraşîyayîş de  sloganê sey Terorist Erdoğan", "Stop Turkey’s war on Kurds", "Defend Rojava", "Defend Kurdistan", "Bijî berxwedana gelê Kurd", "Bijî berxwedana Zapê", "Bijî Serok Apo" ameyî vatene. Rayraşîyayîş de ame waştene ke wa verê hêrişanê dewleta tirke yê vera kurdan bêro girewtene û destek bêro dayene Rojawanî.

Wextê rayraşîyayîşî de vilawekî ameyî vilakerdene. 

Eşkerayîya çapemenîye de zî ame vatene ke dewleta tirke seba ke binkewtişê xo yê vera gerîlayan binimna hêrişê sivîlan kena. Eşkerayîye de ame waştene ke wa warê hewayî yê Rojawanî hêrişanê dewleta tirke rê bêro qefilnayene û meseleya kurdan bi dîyalog û muzakereyan bêra çareserkerdene.

Eşkerayîye de bale ameye antene grevê vêşanîye yê tepişteyan ser û veng dîya ke wa cade azadîya Rayberê Şarê Kurdî Abdullah Ocalanî bêra caardene.