Şaristanê Torontoyî yê Kanada de Festîvala Haştîye û Kulturê Kurdan a 18. ameye kerdene. Bi hezaran kurdîstanijî û dostê înan, Wekîlê HDPyî Hişyar Ozsoy, nuştoxe Chro Zand, Koma Kulturê Tamilî, hunermendê surprîzî û hunermendî Rotinda û Serhado tewrê festîvale bîyî.

Festîvale de eleqeyêko pîl ame mojnayene standanê werd û kincanê kurdan.

Festîvale bi Merşê Çerxa Şoreşê dest pêkerde. Dima Hemserekanê Meclîsê Komelê Demokratîkî yê Kurdan ê Torontoyî qisey kerd û qala girîngîya 15ê Tebaxe kerde.

Hemserekan ra dima Wekîlê HDPyî Hişyar Ozsoyî qisey kerd. Oszoyî ard ziwan ke rejîmê AKP-MHPyî seba ke mîyanê krîzan û verê rijîyayîşî de yo hêrişê kurdan keno. Ozsoyî îfade kerd ke kamca de kurdî est bê rejîmê AKP-MHPyî do hêrişê uca bikero. Ozsoyî bale ante hêrişanê vera HDPyî ser û vat: ''Ê do pê HDPyî nêeşkê. Çunke HDP temsîlkarê têkoşînê Şêx Seîd, Sey Rizayan o.''

Nuştoxe Chro Zand qala kitabê xo yê bi nameyê 'Vîrameyîşê Kênaya Qehremanêkê Kurdan' kerde. Dima Koma Kulturê Tamilî hunerê xo pêşkêş kerd.

Festîvale de têdima Koma Artos, Azad, Ridvan, Sîdar, Mehmet Alî, Aydin, Rotînda û Serhado vejîyayî sehne ser. Girseyê festîvale pîya govende girewte, deyîrî vatî.

9 saetan ra dima festîvale bi coşêkê pîlî û bi slogananê sey 'Biciwîyo Serek Apo' qedîyaye