4 aktîvîstê Kurdî Omer Bagdûr, Cemal Kobanê, Mele Mûstafa Tûzak û Şîyar Xelîl yê ke semedê wedartişê tecrîdê serê Rayberê Şarê Kurdî Abdullah Ocalanî paytextê Almanya Berlîn de grevê vêşanîye de bî, bi vengdayîşê Ocalanî grevê xo qedînabi.

Xoverdayoxan ra Tûzak û Xelîl yê ke Klînîkê DRK’yî yê Berlîn Mîtte de yenê dermankerdene, înan rê zîyaretkerdişî dewam kenê. Zîyaretkerdoxan ra Hozan Aydinî ard ziwan ke çalakgerê grevê vêşanîye yê ke tecrîd şikna ê înan rê minetdar ê. Çalakgeran ra Tûzakî zî zîyaretkerdoxan rê spas kerd û vera nêzdîbîyayîşê wezîfedaranê weşîye yê roja qedîyayîşê grevî reaksîyon da û va: ’’Ma saet 3’ê cemê şanî ra heta 1’ê şewe dayî pawitene û rixmê naye ma nêweşxane de ca nêkerdî. Şarê Almanya paştî dano ma la tewirê wezîfedaranê weşîye leteyêkê polîtîkaya Almanya bi.’’