Unidas Podemos (En Comú Podem-Galicia En Común) derheqê hêrişanê îşxalî yê dewleta tirke yê vera Rojawanê Kurdîstanî de vernîyazêkê persan pêşkêşê Kongreya Spanya kerd.

Wekîlanê Unidas Podemosî Antón Gómez û Reino Varelî vernîyazî pêşkêşê Masaya Kongreya Spanya kerd. Vernîyaz de nê çîyî ameyî perskerdene:

-Derheqê bombardumanê artêşa tirke yê vera şaristananê kurdan ê Sûrîye û Iraqî de Wezîrîya Karanê Teberî ercnayîşêkê senînî kena?

-Derheqê nê serebûtî de agahîyê senînî destê wezîrîye de est ê?

-Derheqê nê hêrişan de eşkerayîya şermezarkerdişî dîyaya yan zî do bêra dayene?

-Wezîrîya Karanê Teberî seba vindarnayîşê hêrişanê Tirkîya do Yewîya Ewropa û komelê mîyanneteweyî de senî têbigêra?

-Wezîrîye vera Tirkîya seba ke goreyê huqûqê mîyanneteweyî têbigêra tedbîranê sîyasî, ekonomîk, dîplomatîk û huqûqîyan bigêra?