Şaristanê Vendikî yê Îtalya de bi beşdarîya temsîlkaranê şaranê bindestan Komxebata Mîyanneteweyî ya Seba Haştîya Dinya ameye kerdene. Global Rights o ke merkezê ci Milano de yo, komxebate organîze kerde. Temsîlkarê şaranê ke têkoşînê azadîye kenê, tewrê komxebate bîyî.

Endamê KNKyî Adem Uzun, Hemsereka PYDyî Asya Abdullah, Vervatoxa HDPyî Ebru Gunay nameyê şarê kurdî ser o tewrê komxebate bîyî. Kolombîya ra zî Sekreterê Pêroyî yê Partîya Comunesî Gabriel Angel û Endamê Komîsyonê Heq û Edaletî yê Haştîya Kolombîya Carlos Beristain, Departmanê Têkilîyanê Mîyanneteweyîyan ê herêma Baskî ra Aimar Etxeberria Korta, Temsîlkara Cepheyê Rojawanî-Sahra Polisario Fatima Mahfud û xeylêk rêxistinanê komelê sivîlî yê Îtalya zî komxebate de cagirewt.

Hemsereka PYDyî Asya Abdullah komxebate de qisey kerd û qala awanbîyayîşê PYDyî, têkoşînê Şorişê Rojawanî û hêrişanê dewleta tirke yê vera Rojawanî kerde.

Endamê KNKyî Adem Uzunî zî qala meseleya kurdan kerde.

Temsîlkaranê şaranê bînan zî qala meseleyanê seba haştîya herêmanê xo  kerdî û girîngîya têkoşînê yewbîyayeyî ser de vindert.

Komxebate bi bira hîrakerdişî qedîyaye.