Cinîyan ê Ciwanan ê Têkoşeran (TEKO-JIN) û Têgêrayîşê Ciwanan ê Şorişgêran (TCŞ) bi şîarê 'Seba azadîya Rayber Apoyî-Pîya serewedaritiş' venga pêro kesan da ke 26-28ê teşrîna verêne de Strasbourg de seba azadîya Rayberê Şarê Kurdî Abdullah Ocalanî tewrê çalakîya roniştişî bibê.

TEKO-JIN û TCŞyî eşkerayîyêke daye û îfade kerd ke Abdullah Ocalanî 20 serran ra zêdêr binê tecrîdê giranî yê Îmraliyî de yo û ê do çarçewa Hemleya 'Wext Wextê Azadîya Rayber Apoyî yo' de Strasbourg de çalakîya roniştişî bikerê.

Ciwanan da zanayene ke ê do pê na çalakîye xoverdayîşê vera tecrîdê Îmraliyî, faşîzmê dinya û Tirkîya, îşxalê Rojawanî pîlêr bikerê.

Ciwanan vat: ''Xoverdayîşo antîfaşîst ê ciwanan eşkeno tecrîdê Îmraliyî û îşxalê Kurdîstanî bin bikero. Ma pîya faşîzm birijnê û bi paradîgmaya Rayber Apoyî seba cuya azade têkoşîn bikerê!''

Adresê çalakîye:  Conseil de l'Europe, 1 avenue de l'Europe, 67000 Strasbourg