Vera hêrişanê nîjadperestan ê Belçîka şaristananê Cenevre û Bernî yê Swîsre de kurdîstanijî vejîyayî sehne ser.

Cenevre de endamanê TCŞ û TÊKO-JIN îstasyonê trenî de derheqê hêrişî de eşkerayîyêke daye. Eşkerayîye de wina ame vatene: ''Senî ke bodrumanê Cizîre de keyeyê ma ameybî vêşnayene, hêrişê Belçîka de zî xîret ame kerdene ke keyeyê ma bêro vêşnayene. Ma nê hêrişê namerdî şermezar kenê. Ma venga ciwanan danê ke wayîrê keyeyanê ma vejîyê.''

Eşkerayîye ra dima çalakîye bi rayraşîyayîşêkî qedîyaye.

Bern de zî vengdayîşê KCDK-E ser o kurdîstanijî vejîyayî waran û hêrişo nîjadperest şermezar kerd. Dima girseyî eşkerayîyêke daye û venga pêro ciwananê kurdan da ke vera nê hêrişan bêveng nêmanê.