Verê bînaya NYyî de çalakîya seba azadîya tepişteyan ê sîyasîyan

Şaristanê Cenevre yê Swîsre de verê bînaya Neteweyan ê Yewbîyayeyan de seba azadîya tepişteyan ê sîyasîyan çalakîyêke ameye kerdene.

Şaristanê Cenevre yê Swîsre de verê bînaya Neteweyan ê Yewbîyayeyan de seba azadîya tepişteyan ê sîyasîyan çalakîyêke ameye kerdene.  Çalakîye de kurdîstanij û tirkîyayîjî rayberîya Komîteya Paştdayîşî ya Cenevre de ameyî têhet. Çalakîye de ame waştene ke avûkatî Ebru Tîmtîk û Aytaç Unsal cade bêrê veradayene, waştişê Grup Yorumî bêrê caardene, tepişteyê sîyasî bi hawayêkê adîlî bêrê hukmkerdene û bêrê veradayene.

Hemserekê CDKyî yê Cenevre Salîh Saglamî çalakîye de qisey kerd û pare kerd ke Rayberê Şarê Kurdî Abdullah Ocalan û tepişteyê sîyasîyî ganî bi hawayêkê adîlî bêrê hukmkerdene û vat: ''Rejîmo faşîst ê AKP-MHPyî pê caardişê îşkenceyê tecrîdê Îmraliyî û binpaykerdişanê heqan pêro zîndananê Tirkîya de polîtîkaya xo dewam keno.''