Aktvîstanê Cinîyan ê Ciwanan ê Têkoşeran û ciwananê enternasyonalîstan Viyana de verê merkezê karxaneyê çekan ê Rheinmetallî yo ke rejîmanê dîktatoran rê çekan roşeno de çalakîya bêîtaatîya sîvîle kerde.

Çalakîya ke saetanê serê sibayî de ameye destpêkerdene ciwanan pankardê ''eke ti biqîrî operayonê vindenî! Eke bêveng bimanî merdimî do bimêrî'' akerdî û bi slogananê vera şerî qîrayî.

Eşkerayîye de  bale ameye serê antene ke Rheinmetall karxaneyê ke Tirkîya rê tewr zaf çeke roşene ra yew o û ame vatene ke rolê înan sucê şerî yê Kurdîstanî de esto. Cinîyan ê ciwanan vat şerê qirkerdişî ke dewleta tirke Kurdîstan de rayra bena bi paştdayîşê Ewropa dîya destpêkerdene û ganî nika cayo ke şer ame destpêkerdene de bêro qedînayene.

Çalakîya ke nizdê 4 saetan  dewam kerde, badê hêrişê polîsan qedîyaye.