Seba ke bi çekenê Almanya dewleta tirke kurdan mirênena bajarê Kasselî yê Almanya de vera naye çalakîyêke ameye kerdene.

Karxaneyo tewr pîl ê Krauss-Maffei Wegmann (KMW) Kassel de yo. Kurdan û enternasyonalîstan verê karxaneyê çekan de  bi çalakîya bêîtaatîya sîvîle rotişê çekan ê Almanya yê Tirkîya şermezar kerd. Polîsanê têgêrayîşê taybetî dormeyê çalakwanan girewt û serê înan ra helîkopterêk gerayî.

Çalakîya ke xeylê cayanê Almanya ra bi seyan aktîvîstî tewrê ci bîyî heta cemê şanî dewam kerde. Çalakwananê ke rayîrê kaxaneyî qefilnayî destûr nêda karkerî dest pê karî bikerî û kar da  vindarnayene. Çalakwananê ke eşkerayîyêke daye vat: ''Nê karxaneyî ra her hetê dinya rê çeke vila beno, coka şer tîya ra yeno destpêkerdene. Bi çekedayîşê Erdogan û rejîmanê sey ey felaketê merdimî yê  yenê ciwîyayene. Seba ke pê çekenê Almanya şerî benê merdimî mecbûr mananê ke erdê xo caverdenê. Eke Almanya wazena multecîye biqedîno, gerek berardiş û rotişê çekan vindarno.''