Bi vengdayîşê CDK-Syî şar meydanê Chantepouletî de kom bi û rayraşîyayîşêk kerd. Çalakîye de pankarta bi nuşteyê 'Ma do destûr nêdê ke Şingal de qirkerdişo bîn bêro kerdene' ameye akerdene. Çalakîye de fotografê Rayberê Şarê Kurdî Abdullah Ocalanî, alayê PKK, YPG û YPJ ameyî akerdene.

Girseyo ke waşt ke statuyê Şingalî wa bêro naskerdene ver bi ofîsê Neteweyan ê Yewbîyayeyan şi û verê ofîsî de nawnayîşêk kerd.

Hemsereka CDK-Lozanî Nezahate Erguneş û Hemserekê CDK-Cenevre Salîh Saglamî çalakîye de qisey kerd û da zanayene ke barbarîya ke hetê DAÎŞî ra Şingal de ameyêne kerdene nika bi destê dewleta tirke yena kerdene. Girseyî eşkera kerd ke ê do na peymane qebul nêkerê.