Çarçewa Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' de Konfederasyonê Sendîkayanê Karkeran ê Spanya CGT (Confderacion del Trabajo), Madrid de bi sernameyê ''Meseleya Kurdan û Çareserîya Polîtîke'' panelêk kerd. Panel de sendîkawan û endamanê sendîkayan fotograf û afîşê Rayberê Şarê Kurdî Abdullah Ocalanî akerdî.

Temsîlkarê CGTyî yê Mardinî Cecuyî destpêkê panelî de qisey kerd û qalê Kurdîstanî kerd. Ey bale ante ser ke Rayberê Şarê Kurdî Abdullah Ocalanî 25 serran ra nata tecrîdkerde yo û ê paştî danê Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye.'

Ronahs Shexoyî derheqê paradîgmaya Rayberê Şarê Kurdî de agahîyî dayî û da zanayene ke Şorişê Rojawanî bi keda Abdullah Ocalanî awan bîyo.

Vervatoxanê CGTyî ra Sekretera Karanê Komelkîyan Carman Arnaiz ard ziwan de Hemleya Azadîye zaf girîng a û vat: ''Ma CPTyî rê mektubî erşawitî, rayraşîyayîşî kerdî. La hema ma vînenê ke tay dezgehî tewrê na hemle nêbîyê. Ganî seba serkewtişê na hemle ma bixebitê. Ma wazenê ke fikranê Abdullah Ocalanî warêkê hîrayî de vila bikerê. Seba azadîya Ocalanî û çareserîya meseleya kurdan ma do bixebitê.''

Panelî ra dima beşdaran seba selamkerdişê Hemleya Azadîye fotograf û afîşê Rayberê Şarê Kurdî Abdullah Ocalanî akerdî.