Seba wedaritişê tecrîdkerdişê Rayberê Şarê Kurdî Abdullah Ocalanî paytextê Awusturya Vîyana de, xoverdayîşê grevê vêşanîye yê Şivan Agaoglû û Sûltan Yîgît dewam keno.

Kurdistanijan Vîyana de hem seba bale biancê serê grevê vêşanîye yê Vîyana hem zî  nîşan bi xoverdayîşê grevê vêşanîye yê pêroyî bikerê, dest bi grevê vêşanîye yê 5 rojan kerd. Çalakwananê grevê vêşanîye her roje mabênê saetanê 11:00-16:00 de Heldenplatz de cayêko nêzdîyê Parlamentoyê Awusuûrya de xeyme abikerê û rayapêroyî do xeberdar bikerê. Hetê bînî ra parlamentoyî rê dosya do  bêro pêşkêşkerdene û hukmatê Awusturya û rêxistinanê cimatî yê sîvîlan reyde pêvînayîşî bêrê kerdene.