Dewleta Avusturya bire dabî ke aktîvîstê kurdî Ozgur Doganî teslîmê Tirkîya bikera. Paytextê Avusturya Viyana de bi seyan kurdîstanijan û enternasyonalîstan vera bira îadeyê Ozgur Doganî û seba multecîyanê sîyasîyan çalakîya rayraşîyayîşî kerd.

Çalakîye de Defend Kurdistanî eşkerayîye daye û vist vîrî ke Doganî vera DAÎŞî Rojawan de şer kerdo, 2017 de birîndar bîyo, Rojawanî ra ameyo Avusturya û seba heqê multecîtîye muracat kerdo. Defend Kurdistanî da zanayene ke rewşa weşîya Doganî hol nîya û ganî bira îadeyê ci apey bêra girewtene. 

Çalakîye de mesajê Doganî zî ame wendene. Doganî mesajê xo de bale ante ser ke Avusturya bêhuqûqîye kena û ganî cade na xeletî ra abigêra, prosesê Dublinî bida destpêkerdene.