Paytexte Awusturya Viyana de faşîstê ke pabesteyê Erdoganî yê vizêr û perey hêrişê komelayanê demokratan kerdbi. Çalakîya ke semedê şermezarkerdişê qirkerdişê Kobanê ameye kerdene rê hêriş ame kerdene dima zî vera komelan. Hêrişan de ber û pencrayê komelanê VTÎD û DÎDFî ameybî şiknayene.

Polîsan zî herinda ke mudaxaleyê hêrişkaran bikerê nê komelan de nasnameyî kontrol kerdî û kurdistanijêk destbend kerd. Vera nê hêrişan bi slogana ''vera hêrişî xoverdayîşo demokratîk''  protestoyan dest pêkerd. Çarçeweya nê çalakîyan de şewa pancşeme rayberîya Plotformê Cinîyan ê Ewropa çalakîyêke organîze kerde. DKTM, DİDİF, MLKP, SKB, ADHK, VTID, Komintern, Platform Radikale Linke, atîvîstê PYDyî tewrê ci bîyî. Qiseykerdişan de hêrişê faşîstî ameyî şermezarkerdene û mesajê girdkerdişê têkoşînî ama dayene.Faşîstanê tirkan hêrişê kerd û mabênê ciwananê antîfaşîstan de pêkewtişî vejîyayî. Polîsan herinda hêrişkaran de reyna aktîvîstî destbend kerdî.

Reyna bajarê Stuttgartî yê Almanya de zî hêrişê faşîstî yê ke Viyana de ameyî kerdene bi çalakîyêke ameyî protestokerdene.