Paytexrê Avusturya Viyane de qedîyayîşê rojeyê Xizirî de merasîmê cemî ame organîzekerdene.

Merasîm bi qiseykerdişê temsîlkaranê Heyetê Îdareyê Merkezê Kulturî yê Elewîyan ame destpêkerdene. Qiseykerdişan de înanê ke Vakur û Rojawanê Kurdîstanî Tirkîya de erdlerz de dinyaya xo bedilnaye, ameyî vîardene.

Ciwananê Rêya Heqî yê Cemîyetê Kurd-Elewî bi kurdkî û tirkî deyîş û zakîran ayînê semahî kerd. Peynîya cemî de duayî ameyî kerdene û şarî ra loqmeyî ameyî vilakerdene.