Nobeda ‘Ocalanî rê Azadîye’ ya ke hewt serrî yê vernîya banê Konseya Ewropa ya bajarê Strasbourgî yê Fransa de yena viraştene bi grubanê neweyan dewam kena. Nobedarê hewteyê vîyarteyî hunermendê TEV-ÇAND'î bîyî. No hewte zî grubêk ke bajarê Darmstadtî yê Almanya ra ya nobete dewr girewte.

Çar Kurdistanijî bi nameyê Mûstafa, Zulfu, Cûma û Selahattîn Yewşeme ra nata çalakîya 'Nobeda Azadîye' de yê. Çalakgero bi nameyê Cûma bi nameyê grube eşkerayîye daye û ard vîrî ke nobeta ‘Ocalanî rê Azadîye’ çalakîya tewr demderg a heta nikayî ya.

Vervatoxê grube ard ziwan, şarê Kurdî bêmabên hewt serrî yê Rayberê xo rê wayîr vejîyeno û vat, “Ganî êdî dinya bivîna; Şarê Kurdî tu cara fek têkoşînê xo yê seba azadîya Rayberê xo ra nêverdano. Sere de şarê Kurdî û demokratî, ganî her kes Rayberîye rê wayîr bivejîyo. Wayîrvejîyayîşê Rayberîye wayîrvejîyayîşê merdimîye yo.”