Temsîlkaranê Merkezê Kulturê Kurdan ê Demokratîkî derheqê hêrişanê kîmyewîyan ê dewleta tirke û tecrîdê vera Rayberê Şarê Kurdî Abdullah Ocalanî de wekîlanê partîya muxalefetî Mera25î reyde pêvînayîş kerd.
Temsîlkaranê Merkezê Kulturê Kurdan ê Demokratîkî derheqê hêrişanê kîmyewîyan ê dewleta tirke û tecrîdê vera Rayberê Şarê Kurdî Abdullah Ocalanî de wekîlanê partîya muxalefetî Mera25î reyde pêvînayîş kerd. Pêvînayîş paytextê Yunanîstan Atina de Parlamento de ame kerdene.
Pêvînayîş de belge û delîlê KNK, IPPNW û dosyaya Merkezê Kulturê Kurdan ê Demoratîkî ameyî pêşkêşkerdene. Dîya zanayene ke bêvengîya Yewîya Ewropa, Neteweyanê Yewbîyayeyan û OPCWyî bena sebeb ke dewleta tirke hîna zaf sûcan bikera. Yunanîstanî ra ame waştene ke babete de mesuldarîya xo bikero û prosesî teqîb bikero.
Wekîlanê yunanan zî pêvînayîş de îfade kerd ke şuxilnayîşê çekanê kîmyewîyan asta mîyanneteweyîye de sûc a û ganî na babete bêra rojdemê Parlamentoyî.
Wekîlan bale ante tecrîdê vera Rayberê Şarê Kurdî ser û vat: ''Tecrîd sûcê vera merdimîye yo.'' Wekîlan venga CPTyî da ke wa vera tecrîdî mesuldarîya xo bikero.
