Parlamentoyê Ewropa (PE) roniştişê xo yê vizêrînî de vernîyazo ke tedayanê vera partîyanê muxalefetan ê Tirkîya şermezar keno tesdîq kerd. Roniştiş de 2 wekîlan bira redî, 67 wekîlan zî raya bêqerare daye.

Vernîyaz de bi taybetî tedaya vera HDPyî ameyî mehkumkerdene, hukmatê Tirkîya seemdê astengkerdişê partîyan ameye şermezarkerdene. Vernîyaz de dewaya qefilnayîşê HDPyî û dewayê vera sîyasetmedaranê HDPyî ameyî mehkumkerdene. 

Vernîyaz de ame îfadekerdene ke astengnêkerdişê HDPyî semedo ke pêro komelê Tirkîya tewrê sîyasetî bibê û meseleya kurdan bêra çareserkerdene zaf girîng a. Vernîyaz de tayînkerdişê qeyûman ame şermezarkerdene û bale ameye antene karîneya masûmîyetî ser.

Parlamentoyê Ewropa venga Yewîya Ewropa da ke rewşa Tirkîya wa teqîb bikera, bi taybetî dewaya Kobanê nêzdî ra teqîb bikera, zîndanan zîyaret bikera. Vernîyaz de dîya zanayene ke ganî Tirkîya babeta polîtîkaya teberî de, babeta heqanê merdiman û heqanê sivîlan de bêra pêşnîyazkerdene.