Wekîlê verênî yê Almanya Michel Brandto ke dostê kurdan o, bi hedefê mehkemeya almanan.

2018 de wexto ke Erdoganî Berlin zîyaret kerdbi seba şermezarkerdişê nê zîyaretî Brandtî panceraya buroyê xo de alaya YPGyî akerdbî. Coka polîsan eşt buroyê ey ê Meclîsê Federalî ser. Nika zî seba ke Brandtî 2019 de medyaya dîjîtale de fotografêko ke tede 'sembolê qedexekerdeyî' est ê, vila kerdo vera ci dewa ameye akerdene. Roniştişê dewa siba Mehkemeya Eyaletî ya Karlsruhe de do bêra kerdene.

Roniştişî ra verî Partîya Çepe seba paştdayîşê bi Brandtî verê mehkeme de nawnayîşêk do bikera. Nawnayîş de Wekîlê Partîya Çepe Gıkay Akbulutu û Sahra Mirow do qisey bikerê.

Partîya Çepe roniştişî ra verî eşkerayîyêke daye û tedaya vera Michel Brandtî şermezar kerde. Eşkerayîye de wina ame vatene: ''Qedexeyê vera PKKyî Almanya de verê azadîya fikran de astengêko cidî yo. Coka cade no qedexe wa bêro wedaritene.''

Wekîle Akbulute zî pare kerd ke seba ke Brandt paştî dano kurdan yeno krîmînalîzekerdene û vat: ''Na dewa vera têgêrayîşê azadîye yê kurdan çimtersnayîş o. Ma do nêverdê ke paştdayîşê bi kurdan sey sûcî bêro dîyene.''