Xeylêk welatanê Ewropa de semedê vîrardişê şehîdanê ke ca û tarîxanê cîya cîyayan de şehîd bîyî ameyî vîrardene.

Paytextê Swîsre Bern bi aktîvîteyêke şexsê endamê Komîteya Dîplomasî yê TEV-DEMî Midî Şakir Ebdî (Polat Herekol) yo ke hêrişê Qamişlo yê 27ê temmuza 2016î de şehdî bi, sîyasetmedaro kurd Hisên Çawişo (Herekol) ke qezayêk de şehîd bi, endamê Meclîsê PYDyî Ahmet Huseyîno (Babê Cûdî) yo ke 2ê tembaxa 2014 de zîndanê Sûrîye de şehîd bi, endamê Konseya Berzê yê Kurdî  Îsa Huso ke 26ê temmuza 2015î şehîd bi û şevanê ke 26ê temmuza 2015î de operasyonê azadkerdişê Hesekê de şehîd bîyî  Yasir Xanîka (Mihemed Yasir) û Aras Xanîka (Mihemed Omer) de şehîdî ameyî yadkerdene. Vîrardişo ke hetê PYDyî ra ame organîzekerdene de soz ame dayene ke do xeta şehîdan de têkoşîn bêro xurtkerdene.

Paytextê Danîmarka Kopenhag de zî şexsê Şehîd Welat Agirî û Şehîd Şoreş Şemse de aktîvîteyêke ameye organîzerkerdene. Vîrardiş de sîyasetmedaranê kurdan û merdimanê şehîdan derheqê şehîdan û têkoşînê azadîye yê Kurdîstanî de qisey kerd û vat şarê kurdî şehîdanê xo rê deyndar o ke waştişê înan bîyaro ca.

Bajarê Dortmundî yê Almanya semedê vîrardişê gerîlayê HPGyî Nesim Atayo (Tekoşer Awaz) 21ê temmuza 2019î de Çewlîg de şehîd bi,Çewlîg de şehîd bi, aktîvîteyêke ameye organîzekerdene. Vîrardişo ke DKTM yê Dortmundî de ame kerdene bi marşê ''Ey Raqibî'' dest pê kerd û dima ra zî bi pêramotişê sînevîzyonî dewam kerd. Birayê Tekoşerî ke vîrardiş de qiseykerdişêk kerd, vat rixmo ke birayê mi metopolan de ciwîya sîstemî rê entegre nêbi. Vîrardiş bi slogananê ''Şehîdî nêbirenî'' qedîya.