Nobeta Azadîye ya ke semedê azadîya fîzîkîye ya Rayberê Şarê Kurdî Abdullah Ocalanî  25ê hezîrana 2012yî de bajarê Strasbourgî yê Fransa de dîyaye destpêkerdene hewteyê 567. de dewam kena.

Çalakîkerê nê hewteyî  Koma Villiers Le Belî ya. Kome de kurdîstanijî  Azad Guneş, Ensarî Doyar, Îbrahîm Kulak û Firat Riha cagênê.

Nameyê kome ser o Azad Guneşî qisey kerd.

Guneşî da zanayene ke vera Rayberê Şarê Kurdî Abdullah Ocalanî 21 serrî yo tecrîdêko giran yeno caardene û vat: ''Waştişê ma yo verên azadkerdişê Rayber Apoyî yo. Rayber Apo teyna lîderê kurdan nîyo; o lîderêko enternasyonel o. Ganî Rayber Apo bi têkoşînêkê globalî bêro azadkerdene. Rayber Apo dewletan kam red kerd wayîrê ci vejîya. Coka ewro ganî bindestî, cinîyî û şorişgêrî wayîrê ey vejîyê.

Rayber Apoyî rê wayîrvejîyayîş mesuldarî û erkêko tarîxî yo. Wex wextê ci yo ke ma pîya azadîya ey bivisnê destî.''