Xeylêk şaristananê Ewropa de pê çalakîyanê cîya-cîyayan tecrîdê Îmraliyî ame protestokerdene û azadîya Rayberê Şarê Kurdî Abdullah Ocalanî ameye waştene.

Paytextê Almanya Berlin de aktîvîstanê TCŞ û TÊKO-JIN seba azadîya Rayberê Şarê Kurdî Abdullah Ocalanî tramvay de  çalakîyêka bêîteate ya sivîle kerde. Ciwanan pê posterê Abdullah Ocalanî tramvay de eşkerayîye wende û bale ante tecrîdê Îmraliyî ser.

Şaristanê Kolnî yê Almanya de seba azadîya Rayberê Şarê Kurdî rayberîya FED-MED û YJK-E de çalakîya xeyme ameye kerdene. Çalakîye de sîyasetmedare Nursele Aydogan û Hemsereka KOMAWî Şengê Kahraman qisey kerd.

Aydogane pare kerd ke tecrîdê Îmraliyî haştîye werte ra wedarneno û venga CPTyî da ke wa mesuldarîya xo bîyaro ca. Şengê zî îfade kerd ke ê seba haştîye û azadîye vera tecrîdî têkoşîn kenê.

Çalakîye de vilawekî ameyî vilakerdene, hunermendan Hunermend Seyîdxan, Cewad Merwanî, Binevş Roj û Şahmarane deyîrî vatî.

Rayberîya Meclîsê Cinîyan ê Ronahî û Mayanê Haştîye de pê waştişê azadîya Rayberê Şarê Kurdî şaristanê Baselî yê Swêdî de kurdan Neteweyanê Yewbîyayeyan rê mektubî erşawitî. Cinîyî pê fotografanê Ocalanî postaxane de kombîyî. Komîsyonê Keyeyanê Şehîdan ê Swêdî ra Dayîke Fîdan qisey krd û da zanayene ke ê do heta serkewtişî têkoşînê xo dewam bikerê.

Şaristanê Stutgartî yê Almanya de aktîvîstanê TCŞ û TÊKO-JIN seba ke tecrîdê vera Rayberê Şarê Kurdî protesto bikerê û azadîya ci biwazê xeymêke akerde. Ciwanan xeyme de derheqê Ocalanî de agahîyî dayî. Çalakîye pê slogan û govendan qedîyaye.