Rêxistin û partîyê sîyasî yê Swêdî û Kurdîstanî seba ke paştî  bidê Rojawanî paytextê Swêdî Stockholmî de galayêka pîle serûber kenê.

Ame parekerdene ke ameyeyê gala do seba Rojawanî teslîmê Roja Sore bêro kerdene. Gala de Anne Linde û Hemsereka Meclîsê Sûrîya Demokratîke Îlhame Ehmed zî do qisey bikê. Zaf hunermendê Swêdî û Kurdîstanî zî do beşdarê gala bibê û paştî bidê şarê Rojawanî. Hunermendanê namdaran ê popî yê Swedî ra zî Zara Larsson, Benjamin Ingrosso û Ciwan Haco do hunerê xo pêşkêş bikê. Gala do bi şîara Humanity For Change in Rojava-Syria bêra serûberkerdene. Gala 24ê teşrîna peyêne de saete 15:00 de City Conference Center o ke nêzdîyê meydanê Norra Bantorgetî de yo bêra kerdene. Amedekaranê gala bale ante vera Rojawanî hêrişanê giranan ê Tirkîya ser û vist vîtî ke bi se hezaran merdimî neçare mendî ke waranê xo ca biverdê. Amadekaran venga Kurdîstanijan û dostanê înan da ke wayîrê Rojawanî bivejîyê û tewrê gala bibê.