Wezîrê Swêdî rê seba Rojawanî persê hetkarîye ame kerdene
Partîya Çepe ya Swêdî bale ante zor û zehmetîyanê erşawitişê hetkarîya merdimîye yê seba Rojawanî ser û Wezîrê Hetkarîya Teberî yê Swêdî ra waşt ke seba erşawitişê hetkarîye têbigêro.
Wekîla Partîya Çepe ya Swêdî Yasmîne Poiso bi vernîyazêkê nuştekîyî nêresayîşê hetkarîya merdimîye yê Rojawanî vist rojdemê parlamento.
Poisoye Wezîrê Hetkarîya Teberî Erikssonî ra waşt ke cewab bido persî. Poisoye vist vîrî ke hêrişanê dewleta tirke yê vera Rojawanî de merdimî neçare mendî ke warê xo biteriknê.Poisoye ard ziwan ke hêzê kurdan ê ke cergê DAÎŞî çin kerdî benê hedefê hêrişanê dewleta tirke û vat: ''Hewceyê Sûrîye bi hetkarîya merdimîye esto. Swêdî wextê şerî de hetkarîya ekonomîke kerde labelê nika reyna rewşe lezabez a.''
Poisoye îfade kerd ke Hukmatê Swêdî teşrîna verêne de bire daye ke 100 mîlyon kron ketkarîya Rojawanî bikerê la zaf zor 3u zehmet o ke na hetkarîye biresa herêma kurdan.Poisoye Wezîrê Hetkarîya Teberî Peter Erikssonî ra waşt ke seba hetkarîya bingeyîne xîret bikero, têbigêro.
