Nuştoxê xêzeromanê 'Azadîye Do Ser Bikewa- Bi Xêzan Cuya Abdullah Ocalanî' Sean Michael Wilsonî derheqê xebatanê xo de ANFyî rê qisey kerd.

Wilsonî pare kerd ke ey dî ke sendîkayê Îngilîstanî paştî danê kurdan û waşt ke kurdan ser o çîyêkî virazo. Wilsonî vat: ''Mi waşt ke qalê Abdullah Ocalanî û kurdan bikera. Înîsîyatîfê 'Abdullah Ocalanî rê Azadîye' ra Heider Reimerî zî fikrê mi ecibna. Xêzeromanê 'Azadîye Do Ser Bikewa- Bi Xêzan Cuya Abdullah Ocalanî' zaf eleqe dî. Neslê neweyî kitaban ra zafê xêzeromanî wanenê. Ewro no kitab Rojawan de sey kitabê derse dîyeno. Yanî bi nê kitabî ma xo resnenê neslanê neweyan zî.

Wexto ke mi fkrê Abdullah Ocalanî şinasnayî mi bire daye ke xebata winayêne bikera. Fikrê Abdullah Ocalanî û ê mi manenê pê zî. La ez vaja tewr zaf domanîya Abdullah Ocalanî mi rê tesîr kerd. Fikrê Abdullah Ocalanî seba pêro merdimatîye û seba awankerdişê cuya azade girîng ê. Lîderîya Ocalanî seba pêro dinya mesajêko girîng o. Ganî o azad bibo.'' 

Xêzeroman heta nika bi kurdkî, tirkî û erebkî weşanîya, dima îngilîzkîya ci zî weşanîya.