Weqfa Danielle Mitterrand Xelata Danielle Mitterrand a emserîne daye 'ronayoxanê utopyayê Rojawanî.' Merasîmê xelatdayîşî Paris de ame kerdene û xeylêk sîyasetmedar, cigêrayox, sînemager, îdarekarê herêmî û Rojawanî ra heyetêk tewrê ci bîyî. 

Nameyê heyetê Rojawanî ser o; Rawchen Suleman, Hevşaredara Kantonê Cizîre Bêrîvane Omar, Hevşaredarê Qamişloyî Suleman Khalîl, Hemserekê Komeleya 13 Kesk Zîver Şero û Temsîlkarê Rojawanî yê Parîsî Xalit Îsa amade bîyî. 

Destpêkê merasîmî de Kevana Zêrîne vejîyaye sehne ser. Gilbert Mitterandî hêverî qisey kerd û dîyar kerd ke ê zaf kêfweş ê ke Xelata 10. ya Danielle Mitterand dîyaya Rojawanî. Mitterandî qiseykerdişê xo de bale ante hêriş û gefanê Tirkîya yê vera Rojawanî ser û vat: ''Na xelate nîşaneya paştdayîşê ma ya.''

Delegasyonê Rojawanî zî weqfe rê sipas kerd û îfade kerd ke Rojawan do hertim welatê pîyacîwîyayîşî û afernayîşî bibo.

Qiseykerdoxan venga Fransa da ke vera hêrişanê Tirkîya têbigêra.