Seba şehîdî Şenol Sagaltici, Umît Tekîn, Dîlara Urpet, Emel Feremez Hisên û Zehra Yeşîltepe şaristananê cîyayan ê Swîsre de merasîmê yadkerdişî ameyî kerdene.

Cenevre de Ferhat Erebo (Şenol Sagaltici), Metîn Dîcle (Umît Tekîn) û Sara Tolhildan (Dîlara Urper) û Rûkene Zelal (Emele Feremez Hisên) CDK-Cenevre de ameyî yadkerdene. Merasîm de Temsîlkarê KOMAWî Riza Çetînkaya û Sîyasetmedar Alî Orakî qala şehîdan kerde û îfade kerd ke xeyalê şehîdan qetî do bêrê caardene.

Zurih de Merkezê Kultur û Perwerdeyî de Şenol Sagaltici, Umît Tekîn, Emele Feremez û Dîlara Urper ameyî yadkerdene. Qiseykerdişan ra dima derheqê şehîdan de sînevîzyonêk ame mojnayene û merasîm bi sloganan qedîya.

Biel de Zehra Yeşîltepe (Diyana Norşîn) Merkezê Komelê Demokratîkî yê Kurdan de ameye yadkerdene. Nameyê KOMAWî ser o Mehmet Goksungur, keyeyê Dîyana, Hemserekê CDK-Syî Îsmaîl Kardaşî merasîm de qisey kerd. Înan da zanayene ke ê do wayîrê vîrameyîşê şehîdan vejîyê.

Şenol Sagaltici û Umît Tekîn Bern û Basel de ameyî yadkerdene. Merasîmê yadkerdişî de derheqê şehîdan de sînevîzyonêk ame mojnayene û qiseykerdişan de ame vatene ke ganî wayîrê Şorişê Rojawanî vejîyê. Merasîm bi sloganê 'şehîdî nêmirenî' qedîya.