Çerçewaya kampanyaya ''Abdullah Ocalanî rê azadîye û meseleya kurdan rê çareserîya sîyasîye'' de mabênê 1-10ê teşrîna verêne de aktîvîteyî yenê kerdene. Vizêr reyna xeylêk welatanê Ewropa de bi aktîvîteyanê cîyayan azadîya Rayberê Şarê Kurdî Abdullah Ocalanî ameye waştene.

Paytextê Almanya Berlin de derheqê tecrîdê Îmraliyî û paradîgmaya Abdullah Ocalanî de panel ame organîzekerdene.

Bajarê Duisburgî yê Almanya de verê îstasyonê merkezî yê bajarî de stand ame akerdene û derheqê komplo  û tecrîdê vera Abdullah Ocalanî de zanayîş ame dayene.

Bajarê Dortmundî yê Almanya de kurdan û dostanê înan bi rayraşîyayîşî tecrîdê serê Abdullah Ocalanî û Komployê 9ê Teşrîna Verêne protesto kerd.

Bajarê Lozanî yê Swîsre de aktîvîteyêke bale ameye antene paradîgmaya Abdullah Ocalanî û tecrîdê Îmraliyî ser.

Bajarê Bielî yê Swîsre de zî bi wesîleya serrgêra Komployê 9ê Teşrîna Verêne belgefîlmê "Ateşten Günler"  ame ramojnayene.

Paytextê Danîmarka Kopenhag de bi seba ke fîrkê Abdullah Ocalanî bêrê nasdayene bi babetanê ekolojî û jineolojî panel ame kerdene.