Xeylêk şaristanan de şehîdê têkoşînê azadîya Kurdîstanî bi merasîman ameyî yadkerdene.

Şaristanê Baselî yê Swîsre de şehîdî Sakîne Cansiz, Fîdan Dogan, Leyla Şaylemez, Evîn Goyî, Mîr Perwer û Abdûrrahman Kizil û Alî Haydar Kizil, Orhan Kûnûr, Ekîn Reşît û Reşît Bozan serkêşîya KOMAWî de ameyî yadkerdene. Qiseykerdişan de ame vatene ke kurdîstanijî do tim wayîrê têkoşînê şehîdan vejîyê. Merasîmê yadkerdişî de derheqê têkoşînê şehîdan de sînevîzyonêk zî ame mojnayene.

Şaristanê Duisburgî yê Almanya de serkêşîya Merkezê Komelê Demokratîkî yê Kurdan û Meclîsê Cinîyan ê Asya Yuksel de seba şehîdan merasîmêk ame kerdene. Merasîm de ame vatene ke wayîrvejîyayîşê şehîdan wayîrvejîyayîşê  Qazî Mihemed, Seyîd Riza û Abdullah Ocalanî yo. Merasîm bi slogananê sey “Bijî Serok Apo“ û “Jin jiyan azadî“ qedîya.

Şaristanê Saarbruckenî yê Almanya de milîtanê MLKPyî Zekî Gurbuz û Ozgur Namoglu ameyî yadkerdene. Bername de derheqê têkoşînê Gurbuz û Namogluyî de sînevîzyonêk ame mojnayene, qala şehîdan û wayîrvejîyayîşê mîrasê înan ameye kerdene.

Reyna Basel de seba Zekî Gurbuz û Ozgur Namoglu merasîmê yadkerdişî ame kerdene. Xeylêk kesî tewrê merasîmî bîyî.  Basel de zî derheqê şehîdan de sînevîzyonêk ame mojnayene û eşkerayîya yadkerdişî ya Komîteya Merkezî ya MLKPyî ameye wendene. Yadkerdiş pê slogan û mesajanê paştdayîşî qedîya.