Rojbîyayîşê 75inî yê Rayberê Şarê Kurdî Abdullah Ocalanî de Berlin de xêzeromanê 'Freedom Shall Prevail' (Azadîye Do Ser Bikewa) dîya şinasnayene. 

Xêzeroman hetê Sean Michael Wilsonî ra nusîya û hetê Kekoyî ra ame xêzkerdene. Merasîmê daşinasnayîşî bi nawnayîşê floklorî dest pêkerd. Dima nameyê Înîsîyatîfê Abdıllah Ocalanî rê Azadîye ser o Dr. Reimar Heiderî qisey kerd û vat: ''Fikrê Ocalanî vilayê pêro dinya bîyî.''

Sîyasetmedarê kurdî Hatîp Dîcle zî rojbîyayîşê Rayberê Şarê Kurdî fWiraz kerd.

Aktîvîsta polîtîke Estella  Schmidt mesajêko winayên şawit merasîmî: ''Ocalan teyna seba kurdan ney seba pêro komelî çimeyê hêvî yo.''

Qiseykerdişan ra dima hunermend Rotindayî deyîrî vatî û girseyî govende girewte.