Xoşnav Ata, seba ke di birazayê ci bi çekanê kîmyasalan ameyî kiştene, bajarê Den Haagî yê Hollanda de bi aşman o ke vernîya Rêxistina Qedexekerdişê Çekanê Kîmyewîyan(OPCW) de çalakîye keno. Ata ame Swîsre û Neteweyanê Yewbîyayeyan reyde kombîyayîşêk kerd. Û hetê ey de Endama CDK-Sî Asmîne Engîn û Hemserekê verên ê KESKî Lamî Ozgen bîyî.

Ata: Dewleta tirke sucê şerî kena

Atayî kombîyayîşî de waşt ke xebitnayîşê çekanê kîmyasalan bêrê cigêrayene û vat, ‘‘Di birazayê mi seba çekanê kîmyasalan ke dewleta tirke xebitnayî, şehîd bîyî. No 50 serrî yo ke dewleta tirke sucê verba merdimîye kena. Û çi heyf ke nê sazîyanê ke gere vernîya nê çîyan de bivinderê, vengê xo nêkerdî.’’

Streule: Ma nê îdîayanê çekanê kîmyasalan nêzdî ra taqîb kenê

Berbirsîyarê Rêxistana Efû yê Mîyanneteweyî Anita Streuleyî, kombîyayîşî de dîyar kerd ke, ê do waştişanê heyetî taqîb bikerê û do dosya zî biresnê merkezê înan ê pêroyî.