Xoverdayoxê Rojeyê Mergî yê Pîlî yê 14ê Temmuze Mehmet Hayrî Durmuş, Alî Çîçek,  Kemal Pîr û Akîf Yilmaz  xeylêk welatanê Ewropa de pê merasîman ameyî yadkerdene. Merasîman de ke pê deqayêkê rêzgirewtişî dest pêkerd, derheqê şehîdan de sînevîzyonî ameyî mojnayene, qiseykerdişî ameyî kerdene. 

Zurich

Merasîm de temsîlkarê KCDK-E qisey kerd û vat: ''Înanê ke vizê Kobanê û Şingal de vera DAÎŞî şer kerd, alaya Mazlûm, Xeyrî û Kemalan ma rê teslîm kerde. Wezîfeyê ma yo ke ma na ala ser bivisnê.'' 

Bern

Merasîm de derheqê şehîdan de pêramotişêkê resiman ame mojnayene. Pêramotiş heta yewşemeyî do akerde bibo.

Biel

Biel de hem xoverdayoxê 14ê Temmuze hem zî Şehîd Alî Temel ameyî yadkerdene. Merdimê Alî Temelî û tepişteyê ê çaxî Îrfan Baboglu zî tewrê merasîmê yadkerdişî bîyî.

Essen

Merasîm de nameyê KOMAWî ser o Apê Cemîl qisey kerd û îfade kerd ke darbeya faşîste ya 12ê Êlule vera kurdan ameye kerdene.

Duisburg

Merasîmê yadkerdişî de KOMAWî ser o qiseykerdişî ameyî kerdene û ame vatene: ''Têgêrayîşê kurdan û şarê ma 14ê Temmuze sey roja rûmetê neteweyî danê şinasnayene û yad kenê.''

Strasbourg

Merasîmê yadkerdişî de hem Kasim Engîn hem zî xoverdayoxê 14ê Temmuze ameyî yadkerdene. Merasîm de bale ameye antene ser ke şerwanê azadîye Heftanîn de xoverdayîşêkê pîlî kenê.

Toulouse

Merasîmê yadkerdişî pê deqayêkê rêzgirewtişî dest pêkerd û pê mojnayîşê sînevîzyonêkî dewam kerd. 

Viller Le Bel

Merasîmê yadkerdişî pê deqayêkê rêzgirewtişî dest pêkerd û pê mojnayîşê sînevîzyonêkî dewam kerd. Merasîm pê sloganê 'Şehîdî nêmirenî' qedîya.

Evry

Merasîm de nameyê Komîteya Keyeyanê Şehîdan ser o qiseykerdişî ameyî kerdene. Merasîm pê sloganê 'Şehîdî nêmirenî' qedîya.

Helsinki

Merasîmê yadkerdişî pê deqayêkê rêzgirewtişî dest pêkerd û pê mojnayîşê sînevîzyonêkî dewam kerd. Merasîm de xoverdayîşê Heftanînî rêw zî selam ame kerdene.

Lavrio

Merasîmê yadkerdişî de xoverdayoxê 14ê Temmuze û Endamê Komîteya MErkezî ya PKKyî Kasim Engîn û Şehîdê Heftanînî ameyî yadkerdene.