Paytextê Yunanîstanî Atina de Kampa Lavrioyî de Hemleya 1ê Hezîrane bi coşî ameye fîrazkerdene.

Şayîye hetê Têgêrayîşê Ciwanan ê Şorişgêran û Merkezê Kulturî yê Kurdîstanî ra ameye serûberkerdene. Şayîye de bale ameye antene ser ke PKK mîyanê şert û mercanê zehmetan de vera faşîzmî têkoşîn kerd û wina ame vatene: ''Wezîfeyê ma yo ke ma pê ruhê hemle her  ca de dewleta tirke ya faşîste bin bikerê û têkoşînê gerîlayan ser bivisnê.''

Eşkerayîya Têgêrayîşê Ciwanan ê Şorişgêran de ame vatene ke ciwanî do rêçê Serdar, Adîl, Nûda, Çîçeke, Delale û Ataknî de têkoşînê heqîqatî de isrardar bibê.

Hetê bînî ra grevê vêşanîye yê kampe yê vera tecrîdê Îmraliyî zî roja 151. de dewam keno. Koma 31. grev dewr girewt.

Aktîvîst Yannis Vasilis Yaylaliyî merasîm de qisey kerd û vat: ''PKK semedê pêro merdimîye têkoşîn keno. Pêro şarê bindestî ganî paştî bidê xoverdayîşê gerîlayan û şarê kurdî.''