Wendekaranê Cinîyan ê Kurdîstanî (JXK) seba şiknayîşê tecrîdê giranî yê vera Rayberê Şarê Kurdî Abdullah Ocalanî û azadîya ey Zanîngehê Bielefeldî de pankartêka ci daliqnaye.

Salona pêroyî ya zanîngehî de pankarta bi nuşteyê ''Rastîye eşq a, eşq zî cuya azade yo. Seba Ocalanî azadîye'' ameye daliqnayene û vengdayîşê paştdayîşê Rojawanî ame kerdene. Wextê çalakîye de zaf wendekaran derheqê rewşa Ocalanî de zanayîşî pare kerdî. JXKî eşkerayîyêke daye û CPTyî ra waşt ke cade seba Ocalanî têbigêro.