Kongreya 21. ya Kongreya Neteweyî ya Kurdîstanî (KNK) roja îneyî şaristanê Den Haagî yê Hollanda de dest pêkerdbi. 350 delegeyî tewrê kongre bîyî. Kongre de nîqaş, pêşnîyaz û rexneyî ameyî kerdene. 

Kongre de weçînayîşê hemserekan zî vizêr ame kerdene. Netîceya weçînayîşî de Zeynebe Murad û Ahmet Karamus ancî bîyî hemserekê KNKyî.

Karamusî weçînayîşî ra dima qisey kerd û vat: ''Ma do bi îradeyê xo xebatan rê dewam bikerê. Ma do bikerê ke dormeyê yewîya neteweyîye û pawitişê Kurdîstanî de bixebitê.''

Hemsereka bîne Zeynebe Murad zî vat: ''Barêka girane kewte milê ma. Ma pê bawer ê ke ma do na rewşe û prosesê zorî derbaz bikerê.''

Kongreya 21. ya KNKyî ewro weçînayîşê endamanê konseye û plananê prosesî ra dima do biqeda.