Çarçewaya hemleya Abdullah Ocalanî rê azadîye meseleya kurdan rê çareserîya sîyasîye de 16ê teşrîna peyêne de Deutzer Werftê  Kolnî de do rayraşîyayîşêko gird bêro kerdene. Xebatê rayraşîyayîşî dewam kenê.

Bajarê Munsterî yê Almanya de Hemsereka KCDK-E Zubeyde Zumrut, Hemserekê KON-MEDî Kerem Gok û endamanê Meclîsê Komelê Demokratîkî yê Kurdan keyeyan û esnafan rê vilawekê rayraşîyayîşî vila kerdî, semedê tewrbîyayîşê rayraşîyayîşî veng da şarî.

Zubeyde Zumrum bale ante tecrîdê giranî yê serê Rayber Apoyî ser û vat: ''Îmrali de bitaybetî çar serranê peyênan de tecrîdo giran est o. Vera nê tecrîdê giranî ma 16ê teşrîna peyêne de Koln de mîtîng û rayraşîyayîş organîze kenê. Eke bi se hezaran kesî verê xo bidê Kolnî tecrîdê Îmraliyî kewno rojdemê dewletanê Ewropa. Coka ma keyeyanê xo zîyaret kenê. Eke keyeyê ma bêrê û dormeyê xo zî davet bikerê ma eşkenê sey bi se hezaran Koln de kom bibê û azadîya Rayber Apoyî biwazê. Ma do Ewropa ra nê mesajî bibê; ma do Ewropa ra tecrîdî bişiknê azadîya fîzîkîye ya Rayber Apoyî bîyarê ca.''